بنیادی صفحہ / ٹیکنولوجی اور سائنس / مکہ مکرمہ اور مدینہ منورہ کے درمیان چلنے والی ہائی اسپیٖڈ ٹرین سروس ایک سال بعد بحال

مکہ مکرمہ اور مدینہ منورہ کے درمیان چلنے والی ہائی اسپیٖڈ ٹرین سروس ایک سال بعد بحال

Print Friendly, PDF & Email

سعودی عرب میں حرمین ہائی اسپیڈ ٹرین سروس ایک طویل بندش کے بعد دوبارہ شروع کردی گئی ہے۔

غیر ملکی خبررساں ادارے کے مطابق سعودی عرب کی حرمین ہائی اسپیڈ ریلوے ( ایچ ایچ آر) ایک سال کی بندش کے بعد دوبارہ شروع کردی گئی ہے۔ حرمین ٹرین مکہ مکرمہ، مدینہ منورہ اور جدہ کے کنگ عبدالعزیز انٹرنیشنل ایئر پورٹ اسٹیشن کے درمیان چلے گی، اور یہ کنگ عبداللہ اکنامک سٹی رابغ سے گزرے گی۔

خبرایجنسی کے مطابق گورنر مدینہ شہزادہ فیصل بن سلمان نے مدینہ منورہ ریلوے اسٹیشن کا دورہ کیا اور مسافروں کی خدمت پر مامور ملازمین کی تعریف کرتے ہوئے کہا کہ کورونا وائرس کے پھیلاؤ کو روکنے کے لیے احتیاطی تدابیر کی پابندی ناگزیر ہے۔
سعودی پبلک ٹرانسپورٹ اتھارٹی کے چیئرمین رمیح بن محمد الرمیح کا کہنا ہے کہ اتھارٹی حج و عمرہ سیزن کے لیے پوری طرح تیار ہے، کورونا وائرس کے پھیلاؤ کو روکنے کے لیے احتیاطی تدابیر کے ساتھ سفر ہوگا اور زیادہ تحفظ اور بہترین معیار کے ساتھ سروس کو چلایا جارہا ہے۔

واضح رہے کہ حرمین ٹرین کا آپریشن کورونا وائرس اور جدہ ریلوے اسٹیشن پر آتشزدگی کے باعث معطل کردیا گیا تھا۔

 

x

Check Also

پریشان WhatsApp یوزرس کر رہے ہیں شکایت! ایپ پر اپنے آپ ہو رہے ہیں لاگ آؤٹ،جانیں وجہ

سوشل میڈیا پر بہت سارے یوزرس نے واٹس ایپ (WhatsApp) سے متعلق ...