بنیادی صفحہ / کھیل / ڈبلیو ٹی سی فائنل: بارش بنی دشمن، پہلا سیشن ضائع، ٹاس کو لے کر کشمکش!

ڈبلیو ٹی سی فائنل: بارش بنی دشمن، پہلا سیشن ضائع، ٹاس کو لے کر کشمکش!

Print Friendly, PDF & Email

جس عالمی ٹیسٹ چمپئن شپ (ڈبلیو ٹی سی) کے فائنل کا کرکٹ شیدائیوں کو بے صبری سے انتظار تھا، وہ دن تو آ گیا، لیکن اب تک کھیل شروع نہیں ہو پانے سے لوگوں میں مایوسی دیکھنے کو مل رہی ہے۔ دراصل صبح سے ہی بارش ہو رہی ہے جس کی وجہ سے کھیل شروع ہونا تو دور، ٹاس تک نہیں ہو سکا ہے۔ ٹاس کو لے کر کشمکش جاری ہے کہ آخر یہ کب ہوگا۔ لوگ انتظار کر رہے ہیں کہ موسم کچھ بہتر ہو تاکہ ٹاس کا مرحلہ طے پائے اور ٹیسٹ چمپئن شپ کے پہلے فائنل کا آغاز ہو۔

ہندوستان اور نیوزی لینڈ کے درمیان ڈبلیو ٹی سی فائنل کے پہلے ہی دن صبح سے ہونے والی بارش کی وجہ سے پہلے سیشن کا کھیل ضائع ہو چکا ہے جس سے نہ صرف کرکٹ شیدائی بلکہ ساؤتھمپٹن میں اسٹیڈیم اہلکاروں سے لے کر کرکٹروں اور کمنٹیٹرس تک مایوس ہیں اور جلد موسم بہتر ہونے کی دعا کر رہے ہیں۔ حالانکہ بارش بہت تیز نہیں ہے، لیکن رک رک کر ہو رہی بارش کے سبب کھیل متاثر ہوا ہے اور ایسا امکان ظاہر کیا جا رہا ہے کہ پورے دن اسی طرح بارش ہوتی رہے گی۔

یہاں قابل ذکر ہے کہ ماہرین ماحولیات میچ کے پہلے دن 80 فیصد بارش اور طوفان کا امکان ظاہر کر چکے تھے، اس لیے اب ایسا لگتا ہے جیسے پہلا دن بارش کی نذر ہو جائے گی۔ حالانکہ عالمی ٹیسٹ چمپئن شپ فائنل میچ کے لیے ایک ریزرو دن رکھا گیا ہے، لیکن آنے والے پانچ دنوں میں موسم اچھا رہے، ایسی امید کم ہی نظر آ رہی ہے۔ بہر حال، ہندوستان اور نیوزی لینڈ کی ٹیمیں پوری طرح تیار ہیں، جیسے ہی حالات سازگار ہوں گے، وہ پہلے ڈبلیو ٹی سی فاتح کے لیے جنگ شروع کر دیں گے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

 

x

Check Also

بی سی سی آئی کا بڑافیصلہ، کوروناکی وجہ سے آئی پی ایل2021کوروک دیاگیا

آئی پی ایل سیزن 2021 میں ایک ایک کرکے کئی کھلاڑیوں کے ...