بنیادی صفحہ / قومی / عیدالفطر کے موقع پر پی ایم مودی، سونیا گاندھی اور راہل گاندھی کی مبارکباد

عیدالفطر کے موقع پر پی ایم مودی، سونیا گاندھی اور راہل گاندھی کی مبارکباد

Print Friendly, PDF & Email

وزیر اعظم نریندر مودی نے عید الفطر کے موقع پر جمعہ کے روز باشندگان وطن کو مبارکباد دی اور لوگوں سے کووڈ-19 کے پروٹوکول کی پابندی کرتے ہوئے خوشیاں منانے کی اپیل کی۔ وزیر اعظم نے جمعہ کے روز عید الفطر کے مبارک موقع پر اہل وطن کو مبارکباد پیش کرتے ہوئے کہا کہ ’’سب لوگوں کی صحتمندی اور تندرستی کا متمنی ہوں۔ دعا ہے کہ ہم سب کی اجتماعی کوششوں سے ہمیں عالمی وباء پر قابو پانے میں کامیابی ملے اور انسانی بہبود کی خاطر ہم مزید اقدامات کرسکیں۔ عید مبارک۔‘‘

کانگریس صدر سونیا گاندھی اور پارٹی کے سابق صدر راہل گاندھی نے بھی عیدالفطر کے مبارک موقع پر ہم وطنوں کو مبارکباد پیش کی اور سبھی لوگوں سے کورونا کے پروٹوکول کی پیروی کرنے اور عالمی وباء کے قہر سے محفوظ رہنے کی اپیل کی۔ سونیا گاندھی نے جمعہ کے روز ایک پیغام میں کہا کہ ’’بھائی چارہ، تحمل اور خیرخواہی کا یہ تہوار سب کے لئے اچھی صحت، خوشی اور خوشحالی لائے اور ملک میں پھیلی بیماریوں، بے چینی اور مایوسی کی فضا ختم کرے۔‘‘ انھوں نے مزید کہا کہ ’’سب لوگوں سے گزارش ہے کہ کورونا وائرس کی وبا کو مدنظر رکھتے ہوئے گھر وں پر عید منائيں اور انفیکشن سے بچنے کی تمام ہدایات اور پروٹوکول پر عمل کرتے ہوئے اپنی اور دوسروں کی حفاظت کریں۔‘‘

اہل وطن کو عید کی مبارکباد دیتے ہوئے راہل گاندھی نے اپنے ٹوئٹ میں لکھا ہے کہ ’’اس وبائی بحران کے وقت میں، بھائی چارگی کے ساتھ ایک دوسرے کی مدد کرنا ہی ہر مذہب کا سبق ہے۔ یہ ہمارے ملک کی روایت ہے۔ آپ سب کو عید مبارک”۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

 

x

Check Also

چین کی چال بازی جاری ، ایل اے سی پر جدید ہتھیاروں سے لیس کئے فوجی جوان

نئی دہلی : ہندوستان اور چین کے درمیان لداخ میں گزشتہ ایک ...