بنیادی صفحہ / قومی / مہاراشٹر: پٹاخہ فیکٹری میں دھماکہ سے افرا تفری، کئی کلو میٹر تک گھروں کو پہنچا نقصان

مہاراشٹر: پٹاخہ فیکٹری میں دھماکہ سے افرا تفری، کئی کلو میٹر تک گھروں کو پہنچا نقصان

Print Friendly, PDF & Email

مہاراشٹر کے پالگھر ضلع واقع ڈھانو میں ایک پٹاخہ فیکٹری میں زوردار دھماکہ کی وجہ سے آگ لگ گئی ہے۔ یہ فیکٹری ڈھانو ہائیوے سے تقریباً 15 کلو میٹر دور جنگل میں موجود ہے۔ دھماکہ کے بعد لگی آگ سے تقریباً 10 سے 12 کلو میٹر تک کے علاقے میں موجود گھروں میں نقصان ہونے کی خبر سامنے آ رہی ہے۔

بتایا جا رہا ہے کہ دھماکہ اس قدر زوردار تھا کہ اس کی آواز 15 سے 20 کلو میٹر تک سنائی دی۔ ہر طرف آگ کا دھواں ہی دھواں دکھائی دینے لگا۔ اب تک آگ لگنے کی وجہ کے بارے میں پتہ نہیں چل سکا ہے۔ فائر بریگیڈ کی گاڑیاں آگ پر قابو پانے کے لیے موقع پر پہنچ چکی ہیں۔

پولیس کا کہنا ہے کہ فیکٹری کے اندر کتنے لوگ ہیں اور یہ واقعہ کیسے سرزد ہوا، فی الحال اس کے بارے میں کوئی بھی جانکاری نہیں ہے۔ پولیس ٹیم موقع پر پہنچ چکی ہے اور جانکاری جمع کرنے کی کوشش کر رہی ہے۔ اندر کتنے لوگ پھنسے ہوئے ہیں، اس بارے میں کوئی جانکاری نہیں ہے۔ دمکل کی گاڑیاں موقع پر پہنچ کر اپنا کام کر رہی ہیں لیکن رک رک کر ہو رہے دھماکہ کی وجہ سے آگ پر قابو پانے میں کافی مشکلیں در پیش ہیں۔ فیکٹری کے پاس جانا بھی ممکن نہیں ہو پا رہا ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

 

x

Check Also

آسام اور میزورم میں سرحدی کشیدگی، آسام کے 6 پولیس جوانوں کی گئی جان، جانیں اب تک کیا کیا ہوا

نئی دہلی: آسام اور میزورم میں سرحد کو لے کرتنازعہ مسلسل بڑھتا ...