بنیادی صفحہ / قومی / 25 سالوں سے بی جے پی کی پالیسیوں کے خلاف بولتے رہے کیپٹن امرندر، اب ہاتھ ملانے کا کیا اعلان

25 سالوں سے بی جے پی کی پالیسیوں کے خلاف بولتے رہے کیپٹن امرندر، اب ہاتھ ملانے کا کیا اعلان

Print Friendly, PDF & Email

پنجاب کے سابق وزیر اعلیٰ اور چند ماہ قبل کانگریس چھوڑنے کا اعلان کرنے والے کیپٹن امرندر سنگھ نے اب بی جے پی سے ہاتھ ملانے کا فیصلہ کیا ہے۔ انھوں نے آج ایک پریس کانفرنس میں اعلان کیا کہ پنجاب اسمبلی انتخاب میں وہ بی جے پی اور متحدہ اکالی دل کے ساتھ اتحاد قائم کریں گے۔ جو کیپٹن امرندر سنگھ گزشتہ تقریباً 25 سالوں سے بی جے پی کی عوام مخالف پالیسیوں کے خلاف بولتے رہے ہیں، ان کی بی جے پی سے دوستی پر اب سوال اٹھنے لگے ہیں۔

کیپٹن امرندر سنگھ نے بی جے پی اور متحدہ اکالی دل کے ساتھ اتحاد کرنے سے متعلق چنڈی گڑھ میں ایک پریس کانفرنس کے دوران اعلان کیا۔ اس دوران انھوں نے کہا کہ بی جے پی اور متحدہ اکالی دل کے رہنما ایس ایس ڈھینڈسا کے ساتھ سیٹوں کی تقسیم کے لیے بات چیت جاری ہے اور مل کر انتخابات میں اتریں گے۔

انہوں نے گورو صاحب کا آشیرواد لینے کے بعد سیاسی میدان میں اپنی نئی اننگز کی شروعات کر تے ہوئے پنجاب لوک کانگریس کا افتتاح کیا اور صحافیوں سے بات کرتے ہوئے کہا کہ ان کی وزیراعظم اور مرکزی وزیر داخلہ امت شاہ سے ملاقات ہو چکی ہے اور پارٹی کے صدر جے پی نڈا سمیت دیگر لیڈروں کے ساتھ ملاقات ہونی ہے، جس میں الیکشن کی حکمت عملی اور سیٹوں کی تقسیم کے بارے میں بات چیت ہوگی۔

کیپٹن سنگھ نے کہا کہ کانگریس کے کئی وزراء اور رہنما ان کے رابطے میں ہیں لیکن وقت آنے پر ہی اس کا انکشاف کروں گا۔ میری پہلی ترجیح عوامی فلاح و بہبود ہے اور ٹکٹ صرف جیتنے والے لوگوں کو دئیے جائیں گے۔ میری کوشش ہوگی کہ اتحادی جماعتیں جیتنے والے امیدواروں پر ہی داؤ لگائیں۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*