بنیادی صفحہ / قومی / بنگال انتخابات: کوچ بہار میں فائرنگ اور اموات کے لئے امت شاہ ذمہ دار، ممتا بنرجی

بنگال انتخابات: کوچ بہار میں فائرنگ اور اموات کے لئے امت شاہ ذمہ دار، ممتا بنرجی

Print Friendly, PDF & Email

کولکاتا: وزیر اعلی ممتا بنرجی نے کوچ بہار ضلع کے سیٹل کوچی میں ہونے والے تشدد کے لئے مرکزی وزیر داخلہ امت شاہ کو مورد الزام ٹھہراتے کہا کہ مرکزی فورسیز کی فائرنگ اور چار افراد کی موت کے لئے امت شاہ ذمہ دار ہیں۔

انہوں نے کہا کہ وزیر داخلہ امت شاہ آج کے واقعے کے لئے پوری طرح سے ذمہ دار ہیں اور انہوں نے ہی اس کے لئے سازش رچی ہے۔ انہوں نے کہا کہ وہ مرکزی فورسیز پر تنقید نہیں کر رہیں کیونکہ وہ امت شاہ کے اشارے پر کام کرتی ہیں۔ امت شاہ کے استعفی کا مطالبہ کرتے ہوئے ممتا بنرجی نے کہا کہ وہ کل کوچ بہار کا دورہ کریں گی۔ نیز، ترنمول کانگریس ریاست بھر میں اس واقعہ کے خلاف احتجاج کرے گی۔

خیال رہے کہ کوچ بہار میں سیتل کوچی میں بوتھ کے باہر فائرنگ میں چار افراد کی موت ہو گئی۔ چوتھے مرحلے میں 44 حلقوں میں پولنگ ہوئی۔ فائرنگ کے بعد الیکشن کمیشن نے سیتل کوچی کے بوتھ پر پولنگ روک دی۔ ممتا بنرجی نے کہا کہ بی جے پی جانتی ہے کہ وہ جیت نہیں پائے گی اس لئے تشدد کا سہارا لے رہی ہے۔
x

Check Also

کورونا وائرس : سپریم کورٹ نے جیل میں بھیڑ کم کرنے کا دیا حکم ، 90 دنوں کیلئے رہا ہوں گے قیدی

نئی دہلی : کورونا کے خطرے کے پیش نظر سپریم کورٹ نے جیل ...