بنیادی صفحہ / عالمی / عمران اور مودی کی فضائی کارروائیوں کے بعد پہلی گفتگو

عمران اور مودی کی فضائی کارروائیوں کے بعد پہلی گفتگو

Print Friendly, PDF & Email

پاکستانی وزير اعظم عمران خان نے نريندر مودی کو دوسری مدت کے ليے بھارتی وزير اعظم چنے جانے پر مبارک باد پيش کی۔ دونوں رہنماؤں کے مابين ٹيلی فونک گفتگو اتوار چھبيس مئی کے روز ہوئی۔ رواں سال فروری ميں فضائی کارروائیوں کے بعد ايٹمی قوت کی حامل حريف رياستوں کے وزرائے اعظم کے مابين پہلی براہ راست بات چيت کی تصديق دونوں ممالک کی وزارت خارجہ نے کر دی ہے۔ اس بارے ميں جاری کردہ اپنے بيان ميں پاکستانی وزارت خارجہ نے کہا کہ وزير اعظم خان نے مودی سے بات کرتے ہوئے دونوں ملکوں کے عوام کی بہتری کے ليے مل کر کام کرنے کی خواہش ظاہر کی۔ اس بيان کے مطابق جنوبی ايشيا ميں امن، استحکام اور ترقی کے ليے عمران خان مودی کے ساتھ کام کرنے کے منتظر ہيں۔

دوسری جانب بھارتی وزارت خارجہ نے اپنے بيان ميں لکھا ہے کہ مودی نے خطے ميں امن، استحکام و ترقی کے ليے تعاون بڑھانے ميں اعتماد سازی سميت تشدد و دہشت گردی سے محفوظ ماحول بنانے کی ضرورت پر زور ديا۔

رواں سال فروری ميں کشمير ميں ايک خود کش بم دھماکے ميں نيم فوجی دستوں کے چاليس اہلکار ہلاک ہو گئے تھے۔ اس حملے کی ذمہ داری ايک ايسے جنگجو گروپ نے تسليم کی تھی، جو پاکستان ميں فعال ہے۔ اس پيش رفت کے بعد دونوں ممالک ميں کشيدگی کافی بڑھ گئی تھی۔ بھارت نے پاکستانی حدود ميں جيش محمد کے ايک بڑے مبينہ ٹھکانے پر فضائی حملہ کيا تو پاکستان نے ايک کارروائی ميں ايک بھارتی لڑاکا طيارہ مار گرانے کا دعوی کیا۔

x

Check Also

ایک لاکھ فلسطینیوں نے مسجد اقصیٰ میں عیدالاضحیٰ کی نماز ادا کی

فلسطین میں آج اسرائیلی فوج اور پولس کی طرف سے کھڑی کی ...