بنیادی صفحہ / عالمی / کورونا وائرس کے لیے امریکہ تیار کر رہا ٹیکہ، چین میں اب تک ہو چکی ہے 722 افراد کی موت

کورونا وائرس کے لیے امریکہ تیار کر رہا ٹیکہ، چین میں اب تک ہو چکی ہے 722 افراد کی موت

Print Friendly, PDF & Email

امریکہ جان لیوا کورونا وائرس سے نمٹنےکےلئے ٹیکا تیار کرنے کا کام تیزی سے کررہاہے۔ امریکہ کے ایک میڈیکل افسر نے جمعہ کو یہ اطلاع دی ہے۔ امریکہ کے نیشنل انسٹی ٹیوٹ آف ایلرجی اینڈ انفیکشن ڈیسیز کے ڈائریکٹر انتھنی فوسی نے صحت اور انسانی خدمات کے امریکی محکمےمیں پریس کانفرنس میں کہا کہ کورونا وائرس کے خلاف ٹیکا تیار کرنے کےلئے بایوٹیک کمپنی موڈیرنا کے ساتھ کام جاری ہے۔

واضح رہے کہ چین میں کورونا وائرس سے مرنے والوں کی تعداد بڑھ کر 722ہوگئی ہے اور 34546افراد میں اس انفیکشن کے پائےجانے کی تصدیق ہوئی ہے۔ دسمبر2019میں چین کے ووہان شہر میں کورونا وائرس کا پہلا معاملہ سامنے آیا تھا جس کے بعد سے اب تک یہ 25سے زیادہ ملکوں میں پھیل چکا ہے۔ عالمی ادارہ صحت(ڈبلیو ایچ او)نے کورونا وائرس کے پیش نظر گزشتہ ہفتے عالمی صحت کےلئے ایمرجنسی کا اعلان کیاتھا۔

 قابل ذکر ہے کہ چین میں کورونا وائرس سے مرنے والوں کی تعداد بڑھ کر 722 ہو گئی ہے، جبکہ 34546 افراد کے اس انفیکشن میں مبتلا ہونے کی تصدیق ہوئی ہے۔ چین کے قومی صحت کمیشن نے ہفتے کو ایک بیان جاری کرکے یہ اطلاع دی ہے۔ چین کے قومی صحت کمیشن کے مطابق سات فروری کی نیم شب تک اسے 31 صوبوں سے اطلاع ملی،جس کے مطابق کورونا وائرس کے 34546 معاملوں کی تصدیق کی جا چکی ہے جس میں سے 6101 لوگوں کی حالت نازک بنی ہوئی ہے۔ 722 لوگوں کی موت ہوچکی ہے اور 2050 لوگوں کو اسپتال سے چھٹی دے دی گئی ہے۔
x

Check Also

ایران پر اقوام متحدہ کی پابندیاں جلد ہوں گی نافذ: پومپیو

واشنگٹن: امریکہ نے کہا ہے کہ ایران پر 2015 سے پہلے کی ...