بنیادی صفحہ / عالمی / اٹلی: کرونا سے ہلاکتوں کا ایک دن میں نیا ریکارڈ قائم، 800 افراد کی زندگی کا چراغ گل
علامتی تصویر

اٹلی: کرونا سے ہلاکتوں کا ایک دن میں نیا ریکارڈ قائم، 800 افراد کی زندگی کا چراغ گل

Print Friendly, PDF & Email

اٹلی میں روزانہ اموات کی شرح میں اضافہ ریکارڈ ہو رہا ہے گزشتہ ایک ہفتے سے روزانہ کی بنیاد پر ہونے والی ہلاکتوں میں گذشتہ روز غیرمعمولی اضافہ دیکھا گیا اور گزشتہ روز 8 سو افراد اس موذی بیماری کی بھینٹ چڑھ گئے۔

 اٹلی میں شہری تحفظ کے ادارے کے سربراہ اینجلو بوریلی نے بتایا تھا کہ 20 مارچ 2020 کو 627 افراد کرونا کے باعث موت سے ہمکنار ہوئے جبکہ گزشتہ روز ہونے والی ہلاکتوں نے پچھلے تمام ریکارڈ توڑ ڈالے۔ اٹلی میں اب تک چھ ہزار 557 افراد کرونا کے باعث ہلاک ہوچکےہیں۔

 اس کے علاوہ حکام نے وضاحت کی ہے کہ مرنے والے زیادہ تر افراد اس وائرس سے متاثر ہونے سے پہلے ہی دل یا ذیابیطس جیسی بیماریوں میں مبتلا تھے۔ اٹلی میں کرونا کے باعث پوری دنیا میں سب سے زیادہ جانی نقصان ہوا ہے۔

 فرانسیسی خبررساں ادارے ‘اے ایف پی’ نے سرکاری اعدادو شمار میں بتایا ہے کہ کرونا سے ہونے والی ہلاکتوں کی تعداد 12 ہزار سے زائد ہوگئی ہے۔ اب تک 12 ہزار 592 افراد ہلاک ہوچکے ہیں۔ ان میں 7199 یورپ اور 3459 ایشیا میں ہوئی ہیں۔ اٹلی میں 4855، چین میں 3255 اور ایران میں 1556 افراد ہلاک ہوچکے ہیں۔

(العربیہ ڈاٹ نیٹ)

x

Check Also

ہوشیار ! چین میں ٹھیک ہوئے لوگوں میں سے 10فیصد کو پھر سے ہوگیا کورونا وائرس ، مچی افراتفری

چین نے کورونا وائرس کے معاملات پر کافی حد تک قابو پالیا ...