بنیادی صفحہ / ٹیکنولوجی اور سائنس / چندریان 2: لینڈروکرم نہیں ہے ٹوٹا، چندریان مشن سے جڑے اہلکار کا دعویٰ

چندریان 2: لینڈروکرم نہیں ہے ٹوٹا، چندریان مشن سے جڑے اہلکار کا دعویٰ

Print Friendly, PDF & Email

چندریان2مشن سے جڑے ایک اہلکارنے دعویٰ کیاہے کہ لینڈر وکرم صحیح و سالم ہے اوراسے کوئی نقصان نہیں پہنچا ہے۔اہلکار کے مطابق چاند کی سطح پر لینڈر وکرم جھکی ہوئی پوزیشن پر ہے۔اہلکار کے مطابق وکرم سے رابطہ بحال کرنے کی کوششیں کی جارہی ہیں۔خیال رہے کہ 7 ستمبر کولینڈنگ سے کچھ لمحہ قبل لینڈر کا رابطہ زمین سے منقطع ہوگیا تھا۔

ہندوستان تاریخ رقم کرنے کے قریب تھا کہ چندریان ٹو کے لینڈر وکرم سے رابطہ منقطع ہوگیا ۔اس کے باوجود اسرو کے سائنس دانوں کے حوصلے بلند ہیں پورے ملک کو ان پر فخر ہے۔وکرم سے رابطہ منقطع ہونے کے باوجود اسرو کے حوصلے اب قائم ہیں۔نظریں اسکرین پر جمی ہیں ۔

رابطہ ہوا منقطع : اُمید ہے قائم

اتنے قریب لیکن پھربھی بہت دور، چاند کی سطح سے محض 2.1 کیلومیٹر کے فاصلے پر وکرم کا رابطہ منظقع ہوا لیکن اسرو کو اب بھی اُمید ہے ، کسی کرشمے کی کہ وکرم سے رابطہ بحال ہو جائیگا۔اسرو سینٹرمیں گزشتہ چاردنوں گہما گہمی رہی ۔وکرم کی سافٹ لاینڈنگ کا پروسیس جیسے جیسے قریب آرہا تھا، ہلچل میں اضافہ ہورہا تھا اور وہاں موجود سائنسدانوں ڈ ٹیکنیشینس اور دیگر افراد کی دھڑکنیں تیز ہورہی تھیں۔

وکرم کی سافٹ لینڈنگ کے لیے اُس کی رفتار دھیمی کی جارہی تھی کہ چاند کی سطح سے کچھ ہی فاصلے پر لینڈر کا رابطہ زمین سے منقطع ہوگیا ۔مایوسی گھر کر گئی ،ایسے میں وزیراعظم نریندر مودی نے سائنسدانوں کی حوصلہ افزائی کی۔رات 1:30 سے 2:30 بجے کے بیچ چاند کے جنوبی قطب پروکرم کی لینڈنگ متوقع تھی۔خیال رہے کہ چاند کے اس حصے کو ابھی تک نہیں کھوجاجاسکا ہے۔بحرحال اسرو نے اُمید کا دامن نہیں چھوڑا ہے کیونکہ وکرم سے رابطہ ٹوٹا ہے چاند سے رشتہ نہیں ۔۔

x

Check Also

خبردار! 5-جی نیٹورک سے نطفوں کی نقل و حرکت پر سنگین خطرات

جاپان میں کی جانے والی ایک تحقیق میں وائی فائی راؤٹر سے ...