بنیادی صفحہ / ٹیکنولوجی اور سائنس / گوگل نے ڈوڈل بنا کر بھوپین ہزاریکا کو پیش کیا خراج عقیدت

گوگل نے ڈوڈل بنا کر بھوپین ہزاریکا کو پیش کیا خراج عقیدت

Print Friendly, PDF & Email

نئی دہلی: دنیا کے سب سے بڑے سرچ انجن ‘گوگل’ نے جمعرات کو مشہور گلوکار، موسیقار اور فلم ساز بھوپین ہزاریکا کو ان کی 96 ویں یوم پیدائش پر ایک خوبصورت ڈوڈل بنا کر دلی خراج عقیدت پیش کیا ہے۔ سرچ انجن نے اپنے ہوم پیج پر ہارمونیم بجانے والے مشہور گلوکار کا ڈوڈل بنایا ہے جو رنگین ہے اور اس کے ساتھ ایک مائیک بھی رکھا ہوا ہے۔

اس وقت کے صدر رام ناتھ کووند نے بھوپین ہزاریکا کو سال 2019 میں ملک کے سب سے بڑے شہری اعزاز ‘بھارت رتن’ سے نوازا تھا۔ بھوپین ہزاریکا ایک گلوکار اور معروف شاعر ہونے کے ساتھ ساتھ فلم پروڈیوسر بھی تھے۔ وہ 8 ستمبر 1926 کو پیدا ہوئے اور 5 نومبر 2011 کو ان کا انتقال ہوا۔ بھوپین ہزاریکا انسانیت اور عالمگیر بھائی چارے سے بھرے گانوں کے لیے مشہور ہیں۔ انہوں نے اپنے گیتوں کا استعمال معاشرے کو سچائی سے بیدار کرنے کے لیے کیا۔ انہوں نے بنیادی طور پر آسامی زبان میں گانے لکھے اور گائے۔

بھوپین ہزاریکا بہت چھوٹے تھے جب ان کی موسیقی کی صلاحیتوں نے معروف آسامی گیت نگار جیوتی پرساد اگروال اور فلم پروڈیوسر بشنو پرساد رابھا کی توجہ حاصل کی۔ دونوں آسام کی بھرپور ثقافتی تاریخ کے سربراہ تھے۔ انہوں نے پہلا گانا ریکارڈ کرنے میں بھوپین ہزاریکا کی مدد کی۔ اس وقت بھوپین ہزاریکا صرف 10 سال کے تھے اور انہوں نے اپنے میوزک کیریئر کا آغاز کیا۔

بھوپین ہزاریکا نے بارہ سال کی عمر میں دو فلموں کے لیے گانے لکھے اور ریکارڈ کروائے تھے۔ فلموں کے نام تھے اندرمالتی: کاکسوٹ کولوسی لوئی، اور بسو بیجوئی نوجوان۔ بھوپین ہزاریکا مغربی بنگال اور بنگلہ دیش میں سب سے زیادہ مقبول تھے۔ انہوں نے آسام اور شمال مشرقی ہندوستان کی ثقافت اور لوک موسیقی کو ہندی سنیما میں متعارف کرانے میں اہم کردار ادا کیا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*