بنیادی صفحہ / ٹیکنولوجی اور سائنس / چندریان-2 مشن کو پیر کو چھوڑنے کے لئے تیاریاں مکمل

چندریان-2 مشن کو پیر کو چھوڑنے کے لئے تیاریاں مکمل

Print Friendly, PDF & Email

ہندوستانی خلائی جانچ ایجنسی (اسرو) کے اہم ترین اور باوقارمشن چندریان 2 کو 22 جولائی کو 2 بجکر 43 منٹ پر آندھرا پردیش کے ضلع نیلور کے سری ہری کوٹہ کے ستیشن دھون خلائی مرکز سے چھوڑا جائے گا جس کے لئے تمام تیاریاں مکمل کرلی گئی ہیں۔

اسرو کے ذرائع نے کہا کہ لانچ اتھاریزیشن بورڈ اور مشن کی تیاری کا جائزہ لینے والی کمیٹی کا اجلاس ہوا۔ قبل ازیں اس کو 15جولائی کو چھوڑا جانے والا تھا تاہم اس میں تکنیکی خرابی پیدا ہوگئی۔ 18جولائی کو اسرو نے اعلان کیا کہ ماہرین کی کمیٹی نے اس کی تکنیکی خرابی کا پتہ چلا لیا ہے اور اس کو درست کر لیا گیا ہے۔ اس کو چھوڑے جانے کے 16 منٹ بعد اس کے تین حصے علیحدہ ہوجائیں گے۔

 ہندوستان کے پہلے چاند مشن 1 کو پی ایس ایل وی کا استعمال کرتے ہوئے 22 اکتوبر 2018 کو چھوڑا گیا تھا جس نے چاند کی سطح پر پانی کی موجودگی کا پتہ چلایا تھا۔ اگرچہ چاند کے جنوبی قطبی علاقہ تک پہنچنے میں کئی مشکلات قبل ازیں کی کئی کوششوں میں ہوئی ہیں تاہم چندریان 2 پہلا مشن ہوگا جو چاند کی اس سطح تک رسائی حاصل کرے گا جہاں اب تک کسی بھی انسان کی رسائی نہیں ہو پائی ہے۔

س خلائی گاڑی کو اس طرح ڈیزائن کیاگیا ہے کہ وہ 17دنوں تک زمین کے چکر لگائے گی۔ وہ زمین کی کشش ثقل کا استعمال کرے گی۔ چاند کی سطح پر پہنچنے کے بعد یہ کئی طرح کی پیچیدہ سرگرمیاں انجام دے گا۔ چاند کی سطح کی تصاویر اس کی لینڈنگ سے پہلے لی جائیں گی تاکہ محفوظ اور خطرناک زونس کا پتہ چلایا جاسکے۔

x

Check Also

سیلفی کی اگلی نسل ’سلوفی‘ پر اجارہ داری کےلیے ’ایپل‘ کی تیاری

سلیکان ویلی: ایپل کارپوریشن نے اپنی پیش کردہ ’سلوفی‘ کے قانونی حقوق ...