بنیادی صفحہ / قومی / بہار پہنچتے ہی اپنے خاص انداز میں نظر آئے لالو پرساد، پٹنہ کی سڑکوں پر چلائی کھلی جیپ

بہار پہنچتے ہی اپنے خاص انداز میں نظر آئے لالو پرساد، پٹنہ کی سڑکوں پر چلائی کھلی جیپ

Print Friendly, PDF & Email

بہار کے سابق وزیر اعلیٰ اور اہم اپوزیشن پارٹی راشٹریہ جنتا دل (آر جے ڈی) سربراہ لالو پرساد یادو عام طور پر سیاست میں اپنے الگ انداز کے لیے مشہور ہیں۔ اس کی بانگی ایک بار پھر بدھ کے روز دیکھنے کو ملی جب وہ اچانک پٹنہ کی سڑکوں پر کھلی جیپ چلاتے نظر آئے۔

بدھ کی صبح لالو پرساد یادو پٹنہ کی اپنی سرکاری رہائش سے خود کھلی جیپ چلاتے نکلے اور کچھ دور تک گئے۔ اس کے بعد واپس اپنی رہائش لوٹ آئے۔ اس دوران ان کے ساتھ کچھ لیڈر اور سیکورٹی اہلکار بھی تھے۔ لالو یادو نے بتایا کہ انھوں نے کئی سالوں کے بعد آج اپنی پہلی گاڑی کو چلایا۔

لالو یادو نے اس کی ویڈیو بھی خود اپنے ٹوئٹر ہینڈل سے پوسٹ کی ہے اور ساتھ ہی ایک پیغام بھی لکھا ہے۔ انھوں نے لکھا ہے ’’آج سالوں بعد اپنی پہلی گاڑی کو چلایا۔ اس دنیا میں پیدا ہوئے سبھی لوگ کسی نہ کسی طور پر ڈرائیور ہی تو ہیں۔ آپ کی زندگی میں محبت، خیر سگالی، بھائی چارہ، خوشحالی، امن، صبر، انصاف کی شکل والی گاڑی سب کو ساتھ لے کر ہمیشہ مزے سے چلتی رہے۔‘‘

غور طلب ہے کہ چارہ گھوٹالہ میں قصوروار ٹھہرائے گئے لالو پرساد ان دنوں ضمانت پر جیل سے باہر ہیں۔ بیمار ہونے کی وجہ سے لالو اس وقت سیاست میں زیادہ سرگرم نہیں ہیں، لیکن ٹوئٹر کے ذریعہ وہ سیاست میں سرگرم رہتے ہیں۔ بہار میں شراب بندی قانون کو لے کر ان دنوں لالو پرساد لگاتار نتیش حکومت کو تنقید کا نشانہ بنا رہے ہیں۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*