بنیادی صفحہ / قومی / بنگال: امت شاہ کی ریلی سے قبل "بی جے پی بنگال چھوڑو” کے پوسٹرلگائے گئے

بنگال: امت شاہ کی ریلی سے قبل "بی جے پی بنگال چھوڑو” کے پوسٹرلگائے گئے

Print Friendly, PDF & Email

بی جے پی کے قومی صدر امت شاہ کے کولکاتا دورہ سے ایک دن قبل شہر کے بیچ مایوروڈ واقع ان کی ریلی کے مقام کے آس پاس پوسٹرلگے ہیں، جن پر "بی جے پی بنگال چھوڑو” لکھا ہے۔

ریاستی بی جے پی نے الزام لگایا ہے کہ "بی جے پی بنگال چھوڑو” اور”بنگال مخالف بی جے پی واپس جاو” پیغام دینے والے پوسٹر ترنمول کانگریس کارکنان نے لگائے ہیں۔ حالانکہ اس الزام سے مغربی بنگال میں برسراقتدار ترنمول کانگریس نے انکار کیا ہے۔

 مغربی بنگال بی جے پی صدر دلیپ گھوش نے کہا کہ اس سے پتہ چلتا ہے کہ ترنمول کانگریس ہفتہ کو ہونے والی ہماری ریلی سے خوفزدہ ہیں۔ ریاست کے لوگ بی جے پی کی اچھی حکمرانی کا انتظار کررہے ہیں۔بی جے پی کے ایک دیگر لیڈر نے کہا کہ بنگال ترنمول کانگریس کی ذاتی جائیداد نہیں ہے، پارٹی کو اس طرح کا مطالبات کرنے کا کوئی حق نہیں ہے۔ انہوں نے کہا کہ آنے والے دنوں میں ریاست کے لوگ اس کا فیصلہ کریں گے کہ کون رکے گا اور کون جائے گا”۔

ترنمول کانگریس جنرل سکریٹری اور مغربی بنگال کے وزیرتعلیم پارتھ چٹرجی نے کہا کہ "بی جے پی مخالف پوسٹروں” سے ان کی پارٹی کا کوئی لینا دینا نہیں ہے، جس راستے سے امت شاہ ہفتہ کو ریلی مقام پرپہنچیں گے، اس پر ترنمول کانگریس سربراہ اور مغربی بنگال کی وزیراعلیٰ ممتا بنرجی کے کٹ آوٹ لگے ہیں۔

x

Check Also

مجرم ثابت ہونے سے پہلے نااہل قرار نہیں دئیے جائیں گے ارکان پارلیمنٹ و اسمبلی: سپریم کورٹ

چیف جسٹس دیپک مشرا کی صدارت والی آئینی بنچ نے اس درخواست ...