بنیادی صفحہ / قومی / غازی آبادسےاپنےگھرپہنچنے والے2مسلم بھائیوں کاگوکل پوری میں قتل،سنیچر کوہوگا پوسٹ مارٹم

غازی آبادسےاپنےگھرپہنچنے والے2مسلم بھائیوں کاگوکل پوری میں قتل،سنیچر کوہوگا پوسٹ مارٹم

Print Friendly, PDF & Email

دہلی تشدد کے مہلوکین کی تعداد میں مسلسل اضافہ ہورہا ہے۔ جمعہ کے روز ،مہلوکین کی تعداد بڑھ کر 42 ہوگئی۔ دہلی کے محکمہ صحت کے ایک عہدیدار نے یہ تفصیلات فراہم کی ہے۔ معلومات کے مطابق ، اب تک (جمعہ کی سہ پہر) گرو تیغ بہادر اسپتال (جی ٹی بی اسپتال) میں 38 ،لوک نائک جئے پرکاش اسپتال (ایل این جے پی اسپتال) میں 3 اور جگ پرویش چندر اسپتال میں 1 شخص کی موت ہوگئی ہے۔ اب تک تشدد اور اضطراب میں 275 سے زیادہ افراد زخمی ہوچکے ہیں ، جن کا مختلف اسپتالوں میں علاج جاری ہے۔

دوسری طرف ، شمال مشرقی دہلی کے تشدد سے متاثرہ علاقوں میں دکانیں کھولنے کے ساتھ ہی ، حالات اب معمول پر آتے نظر آرہے ہیں۔ سڑکوں پر ٹریفک پہلے کی بحال ہورہاہے۔ گذشتہ پیر سے شمال مشرقی ضلع کے تشدد متاثرہ علاقوں میں تقر یباً 7 ہزار نیم فوجی دستے تعینات کردیئے گئے ہیں۔ امن برقرار رکھنے کے لئے دہلی پولیس کے سیکڑوں اہلکار ڈیوٹی پر ہیں۔ اس دوران دہلی پولیس کے اعلی افسران مسلسل گشت کررہے ہیں۔ اس کے علاوہ امن کی فضا کو بحال کرنے کی کوششیں جاری ہیں۔

تشدد کے دوران وہاں کی زیادہ تر دکانوں کو آگ کے حوالے کر دیا گیا ہے۔

تشدد کے دوران وہاں کی زیادہ تر دکانوں کو آگ کے حوالے کر دیا گیا ہے۔

تشدد کے دوران گوکل پوری میں اپنے اہل خانہ سے ملنے کے لئے یوپی کے غازی آباد سے پہنچے دو بھائیوں کا قتل کردیاگیاہے۔جمعہ کے روز دو نوجوانوں کی لاشیں ملی ہیں۔ان کے لواحقین نےجی ٹی بی اسپتال پہنچ کر مہلوکین کی لاشوں کی شناخت کرلی ہے۔تفصیلات کے مطابق ، عامر غازی آباد میں بطور ڈرائیور کام کرتا تھا اور ہاشم اس کا معاون تھا۔ کنبہ کو ابھی تک ان کی لاشیں نہیں مل پائیں۔ بتایا جارہا ہے کہ ان کا پوسٹ مارٹم سنیچر کے روز کیا جائے گا۔

جمعہ کو دہلی کے نئے پولیس کمشنر کی حیثیت سے چارج حاصل کرنے والے سینئر آئی پی ایس آفیسر ایس این سریواستو کا کہنا ہے کہ دہلی پولیس نے 100 سے زائد مقدمات درج کیے ۔مجرموں کو سخت سے سخت سزا دی جائے گی۔ انہوں نے کہا کہ پچھلے 60 گھنٹوں کے دوران کہیں بھی تشدد کے تازہ واقعات نہیں ہوئے ہیں۔یادرہے کہ پچھلے کچھ دنوں کے دوران ، پولیس پر مقامی لوگوں نے کئی سوال بھی اٹھائیں تھے۔ عام آدمی پارٹی سے معطل کارپوریٹر طاہر حسین سے متعلق سوال کیا گیا تو پولیس کمشنر سریواستو نے کہا کہ کسی ایک کیس کے متعلق بات کرنا درست نہیں ہے۔انہوں نے کہا کہ پولیس نے 100 سے زیادہ مقدمات درج کیے ہیں۔ایس این سریواستو کا کہناہے کہ پولیس تشدد میں ملوث افراد کے خلاف سختی کارروائی کرے گی اورقصورواروں کو سخت سزا دی جائے گی۔

 

x

Check Also

اوڈیشہ نے 30 اپریل تک لاک ڈاؤن میں توسیع کی، وزیر اعلیٰ بولے۔ کورونا سے زندگی پہلی جیسی نہیں رہے گی

بھبنیشور۔ اوڈیشہ نے کورونا وائرس کے انفیکشن کو مدنظر رکھتے ہوئے 14 اپریل ...