شیوسینا تنازعہ پر سپریم کورٹ نے فیصلہ رکھا محفوظ، دلیلیں پیش کرتے ہوئے وکیل کپل سبل ہوئے جذباتی

واضح رہے کہ اس سے قبل کپل سبل نے مہاراشٹر کے گورنر کے کردار پر سوال کھڑا کیا تھا۔ انھوں نے کہا تھا کہ ’’کبھی بھی پھوٹ سے الگ ہوا کوئی گروپ ایک گروپ ہی رہتا ہے، وہ سیاسی پارٹی نہیں ہو سکتی۔ سیاسی پارٹی کون ہے، اس کا فیصلہ انتخابی کمیشن کر سکتا ہے۔ سیاسی پارٹی کے انتخابی نشان پر ہی رکن اسمبلی منتخب ہوتے ہیں۔ لیجسلیچر (مقننہ) میں بھی سیاسی پارٹی کی اہمیت سب سے زیادہ ہے۔ لیکن جب تک انتخابی کمیشن نے شندے گروپ کو سیاسی پارٹی کے طور پر منظوری نہیں دی تھی، تب گورنر نے کس بنیاد پر شندے گروپ کو اکثریت ثابت کرنے کا موقع دیا۔ گورنر نے منمانے طریقے سے 34 اراکین اسمبلی کو حقیقی شیوسینا مان لیا۔ گورنر کا یہ کام آئین مخالف تھا۔ گورنر صرف منظور شدہ پارٹیوں سے بات چیت کر سکتے ہیں، کسی گروپ سے نہیں۔‘‘