بنیادی صفحہ / قومی / نیا ٹریفک قانون: مودی حکومت کے خلاف کھڑی ہوئیں 5 بی جے پی حکمراں ریاستیں

نیا ٹریفک قانون: مودی حکومت کے خلاف کھڑی ہوئیں 5 بی جے پی حکمراں ریاستیں

Print Friendly, PDF & Email

ٹریفک قانون 2019 کے نافذ ہونے کے بعد سے ہی یہ موضوعِ بحث بنا ہوا ہے۔ سب سے زیادہ بحث ٹریفک قانون توڑنے کے بعد لگنے والے زبردست جرمانے کی ہو رہی ہے۔ علاوہ ازیں یکم ستمبر کو قانون نافذ ہوا اور 11 ستمبر تک اس کا ’جگاڑ‘ بھی نکل گیا۔ کئی ریاستوں نے قانون میں تبدیلی لا کر لوگوں کو بھاری جرمانے سے راحت دی ہے۔ کئی ریاستوں نے قانون کو ماننے سے ہی انکار کر دیا ہے۔

ٹریفک کے نئے قانون کا سب سے زیادہ بی جے پی حکمراں ریاستوں میں ہی مخالفت ہو رہی ہے۔ بی جے پی حکمراں ریاستوں سمیت کئی ریاستی حکومتوں نے اس قانون کو نافذ کرنے سے انکار کر دیا ہے یا پھر جرمانے کی رقم نصف کر دی گئی ہے۔ ایک ملک، ایک قانون کی بات کرنے والی بی جے پی اب کشمکش کی حالت میں ہے۔ لوک سبھا انتخاب میں زبردست اکثریت حاصل کرنے والی بی جے پی اپنی ہی ریاستی حکومتوں سے مرکز کے ذریعہ پاس قانون نافذ نہیں کروا پائی۔ ابھی تک 5 بی جے پی حکمراں ریاستوں نے مرکزی حکومت کے قانون کے اثر کو کم کرنے کا کام کیا ہے۔

 پہلا نام ہے گجرات کا۔ سب سے پہلے وزیر اعظم نریندر مودی اور وزیر داخلہ امت شاہ کی آبائی ریاست گجرات نے ہی مرکزی حکومت کے فیصلے سے دوری بنا لی۔ ریاست کے وزیر اعلیٰ وجے روپانی نے کئی جرمانوں پر بھاری چھوٹ دینے کا اعلان کر دیا۔ گجرات حکومت نے اوسطاً 90 فیصد کی تخفیف کی ہے۔ جیسے ایمبولنس کا راستہ روکنے پر 10 ہزار کی جگہ 1 ہزار، بائیک پر اوور لوڈ پر 1 ہزار کی جگہ 100 روپے، بغیر رجسٹریشن کی موٹر سائیکل پر 5 ہزار کی جگہ صرف ایک ہزار روپے کا جرمانہ۔

گجرات کے بعد مہاراشٹر نے بھی اس قانون کو ماننے سے انکار کر دیا ہے۔ غور طلب ہے کہ مرکزی وزیر برائے ٹرانسپورٹیشن نتن گڈکری کا تعلق مہاراشٹر سے ہی ہے اور وہ اس قانون کو ہر حال میں نافذ کروانا چاہتے ہیں۔ لیکن ان کی ہی آبائی ریاست نے اس نئے قانون سے کنارہ کرنے کا فیصلہ کر لیا ہے۔ دراصل مہاراشٹر میں کچھ ہی مہینوں میں انتخاب ہونے والے ہیں، ایسے میں ریاست کے وزیر اعلیٰ دیویندر فڑنویس کوئی جوکھم نہیں اٹھانا چاہتے۔ مہاراشٹر کے وزیر برائے ٹرانسپورٹیشن اس ایشو پر نتن گڈکری کو چٹھی بھی لکھنے والے ہیں۔

x

Check Also

کورونا ٹیسٹ کےکولیکرسپریم کورٹ کا بڑاریمارک: کووڈ19ٹیسٹ کے لیے نجی لیبزکو فیس لینے کی اجازت نہیں

نئی دہلی : ہندوستان میں کورونا وائرس کی جانچ کے لئے نجی ...