بنیادی صفحہ / قومی / ملک میں بڑھ رہے ہیں کورونا وائرس کے کیس، اب تک 30 ہلاک، مریضوں کی تعداد 1100 کے پار
علامتی تصویر

ملک میں بڑھ رہے ہیں کورونا وائرس کے کیس، اب تک 30 ہلاک، مریضوں کی تعداد 1100 کے پار

Print Friendly, PDF & Email

ملک میں مسلسل کورونا وائرس کے معاملے بڑھتے جا رہے ہیں، ملک میں اب تک کورونا مریضوں کی تعداد بڑھ کر 1100 کے پار پہنچ گئی ہے، اب تک کورونا وائرس سے 30 لوگوں کی موت ہو چکی ہے، جبکہ 98 لوگوں کو علاج کے بعد اسپتال سے چھٹی مل چکی ہے، کیرل اور مہاراشٹر ایسی دو ریاستیں ہیں، جہاں کورونا کے مریض سب سے زیادہ ہیں۔ ملک کی 27 ریاستیں اس وقت کورونا وائرس کی زد میں ہیں۔

 مہاراشٹر میں ابھی تک 186 معاملے مثبت کے سامنے آئے ہیں، جس میں سے 6 کی موت ہو چکی ہے، گجرات میں 56 مثبت معاملے پائے گئے ہیں اور پانچ کی موت ہو گئی ہے، کرناٹک میں 76 افراد کورنا وائرس سے متاثر ہوئے ہیں، جس میں تین کی موت ہو چکی ہے۔ مدھیہ پردیش میں 30 کیس سامنے آئے ہیں، ان میں دو کی موت ہوئی ہے، جبکہ دہلی میں 49 مثبت معاملے اب تک سامنے آچکے ہیں اور 2 افراد کی موت ہو چکی ہے۔

 جموں و کشمیر میں بھی 31 افراد کورونا کے شکار ہوئے ہیں، وہاں بھی دو لوگوں کی موت ہو گئی ہے، ادھر تلنگانہ، مغربی بنگال، کیرالہ، تمل ناڈو، بہار، پنجاب، مغربی بنگال، اور ہماچل پردیش میں ایک ایک شخص کی موت ہوئی ہے۔

 بتا دیں کہ دنیا بھر میں کورونا وائرس سے متاثرہ افراد کی تعداد 6 لاکھ 80 ہزار کو عبور کرچکی ہے۔ پوری دنیا میں اب تک کورونا وائرس سے متاثرہ افراد کی تعداد 683583 ہوگئی ہے، جبکہ اب تک 32144 کی موت ہوگئی ہے اور 146396 افراد ٹھیک ہوچکے ہیں، سب سے زیادہ کورونا سے اموات اٹلی میں 10023 ہوئیں ہیں اور وہاں 92472 افراد اس وائرس سے متاثر ہوئے ہیں۔ جبکہ اسپین اموات کے معاملے میں دوسرے نمبر پر ہے، یہاں 6528 افراد ہلاک اور مجموعی طور پر 78797 افراد اس وائرس سے متاثر ہوئے ہیں۔ امریکہ میں 2229 اموات ہو چکی ہیں اور 123828 افراد کورنا سے متاثر ہیں۔

x

Check Also

ممبئی میں لگاتار تیز بارش سے آبی جماؤ کا منظر، لوگ پریشان

گردابی طوفان ‘نسرگ’ تو گزر گیا لیکن بدھ کی رات سے مہاراشٹر ...