بنیادی صفحہ / قومی / دہلی: چین لٹیروں کے حملہ میں خاتون ہلاک، واردات سی سی ٹی وی میں قید

دہلی: چین لٹیروں کے حملہ میں خاتون ہلاک، واردات سی سی ٹی وی میں قید

Print Friendly, PDF & Email

نئی دہلی: قومی راجدھانی دہلی کے آدرش نگر تھانہ علاقہ میں چین اسنیچنگ (جھپٹ ماری) کی دل دہلا دینے والی واردات انجام دی گئی ہے۔ ایک خاتون اپنے دو سالہ معصوم کو گود میں لے کر پیدل جا رہی تھی، تبھی لٹیروں نے خاتون کے گلے پر دو مرتبہ چاقو سے وار کیا۔ جس سے خاتون بری طرح زخمی ہوگئی اور اسپتال میں موت ہو گئی۔ ہفتہ کی شام کو انجام دی گئی یہ واردات سی سی ٹی وی کیمرے میں قید ہو گئی۔

واردات میں زخمی ہونے والی خاتون کی شناخت سمرن کور کے طور پر ہوئی ہے۔ سمرن کو زخمی ہونے کے بعد فوری طور پر شالیمار باغ کے فورٹس اسپتال میں داخل کرایا گیا تھا، جہاں کچھ ہی دیر بعد اس کی موت واقع ہو گئی۔ سمرن کور 25 سال کی تھی اور تین سال قبل ہی اس کی شادی ہوئی تھی۔ خاتون کا دو سال کا بچہ ہے اور وہ آدرش نگر میں اپنے مائیکے میں آئی ہوئی تھی، سمرن کی سسرال پٹیالہ میں ہے۔

این ڈی ٹی وی کی رپورٹ کے مطابق آدرش نگر علاقہ میں ان کے مائیکے کے نزیدک ہی شنی بازا کے نام سے مارکٹ لگتی ہے، جہاں سے خاتون خریداری کر کے واپس لوٹ رہی تھی۔ پہلے ایک چور نے خاتون کے گلے سے چین کھینچنے کی کوشش کی لیکن جب اس نے اس کی مخالفت کی اور چور کو پکڑنے کی کوشش کی تو چور نے خاتون کی گردن پر چاقو سے دو مرتبہ وار کیے۔ جس وقت لٹیرے خاتون پر چاقو سے وار کر رہے تھے اس کی گود میں اس کا دو سالہ معصوم بچہ بھی موجود تھا۔ لٹیروں نے معصوم کے سامنے ہی اس کی ماں کو قتل کر دیا۔

x

Check Also

مہاکمبھ یا موت کا میلہ: گنگا کے بہتے پانی سے کورونا انفیکشن پھیلاؤ کا خطرہ زیادہ!

اتراکھنڈ کے وزیر اعلیٰ تیرتھ سنگھ راوت نے اپنے ایک بیان میں ...