ابو ظبی کے ولی عہد شیخ محمد بن زاید آل نہیان نے کہا ہے کہ متحدہ عرب امارات خلیج اور مشرقِ اوسط میں بحری جہازوں کی محفوظ آمد ورفت کو یقینی بنائے گا۔

وہ بیجنگ میں سوموار کے روز اپنے چینی ہم منصب سے ملاقات میں گفتگو کر رہے تھے۔ انھوں نے اس مقصد کے حصول اور دنیا میں تیل کی محفوظ رسد کو یقینی بنانے کے لیے چین اور دوسرے دوست ممالک سے تعاون کی اہمیت پر زور دیا ہے۔

شیخ محمد نے کہا کہ خلیج میں تیل اور مال بردار بحری جہازوں کی آزادانہ اور محفوظ آمد ورفت عالمی معیشت کے استحکام اور تحفظ کے لیے بھی بڑی اہمیت کی حامل ہے۔