سعودی عرب کے ولی عہد شہزادہ محمد بن سلمان بن عبدالعزیز آل سعود امریکا، فرانس اور اسپین کے طویل دورے کے بعد وطن واپس پہنچ گئے۔

سعودی پریس ایجنسی’ایس پی اے‘ کے مطابق ولی عہد شہزادہ محمد بن سلمان بن عبدالعزیز نے امریکا، فرانس اور اسپین کی قیادت سے دوطرفہ تعلقات کے فروغ کے ساتھ سعودی عرب کے ان ممالک کے ساتھ اقتصادی تعلقات کو مزید مضبوط کیا ہے۔

اس دورے کے دوران سعودی عرب نے امریکا، فرانس اور اسپین کے ساتھ باہمی تعاون کے کئی معاہدوں کی منظوری دی ہے۔ بیرون ملک دورے کے دوران ولی عہد نے عالمی قیادت سے علاقائی اور عالمی امور پر بھی تبادلہ خیال کیا۔