بنیادی صفحہ / خلیجی / وزیر اعظم مودی کو متحدہ عرب امارات کا اعلیٰ ترین شہری اعزاز دیا جائے گا

وزیر اعظم مودی کو متحدہ عرب امارات کا اعلیٰ ترین شہری اعزاز دیا جائے گا

Print Friendly, PDF & Email

متحدہ عرب امارات ( یو اے ای) کے صدر شیخ خلیفہ بن زائد النہیان نے اعلان کیا ہے کہ ہندوستان کے وزیر اعظم نریندر مودی کو یو اے ای کے اعلیٰ ترین شہری اعزاز’ زائد میڈل ‘ سے نوازا جائے گا۔ ملکی صدور، بادشاہوں اور سربراہان کو دیا جانے والا یہ ایوارڈ وزیر اعظم نریندر مودی کو امارات اور ہندوستان کے درمیان رشتوں کو فروغ دینے کے لئے دیا جا رہا ہے۔ اس سے پہلے، روس کے صدر ولادیمیر پوتن اور چین کے صدر شی جن پنگ کو بھی اس ایوارڈ سے نوازا جا چکا ہے۔

وزیر اعظم مودی کو اپنا ’ عزیز دوست‘ بتاتے ہوئے ابو ظبی کے ولی عہد شیخ محمد بن زائد النہیان نے کہا کہ یہ ایوارڈ دونوں ممالک کے درمیان طویل عرصے سے دوستی اور مشترکہ اسٹریٹجک تعاون کو مضبوط بنانے میں مودی کے کردار کے اعتراف میں دیا جا رہا ہے۔

زائد النہیان نے ٹوئٹر پر لکھا کہ ’’ ہمارے ہندوستان کے ساتھ تاریخی اور جامع اسٹریٹجک تعلقات ہیں جو میرے عزیز دوست وزیر اعظم نریندر مودی کے اہم ترین رول سے مضبوط اور مستحکم ہیں۔ انہوں نے دونوں ملکوں کے تعلقات کو بہت زیادہ فروغ دیا ہے۔ ان کی انہی کوششوں کی ستائش کرتے ہوئے متحدہ عرب امارات کے صدر نے انہیں زائد میڈل سے نوازا‘‘۔

x

Check Also

اب یو اے ای میں بھی چلے گا بھارت کا روپے کارڈ،وزیر اعظم مودی نے کیا لانچ

ابوظہبی : وزیر اعظم نریندر مودی نے سنیچر کے روز اقوام متحدہ ...