بنیادی صفحہ / کیریر اور تعلیمی خبریں / مشیل اوباما کی کتاب نے امریکا میں نیا ریکارڈ قائم کردیا

مشیل اوباما کی کتاب نے امریکا میں نیا ریکارڈ قائم کردیا

Print Friendly, PDF & Email

واشنگٹن: سابق امریکی صدر باراک اوباما کی اہلیہ مشال اوباما کی خود نوشت ’Becoming‘ نے محض 15 دن میں رواں برس امریکا میں شائع ہونے والی تمام کتابوں کی فروخت کا ریکارڈ توڑ دیا۔

بین الاقوامی خبر رساں ادارے کے مطابق مشال اوباما کی سوانح حیات ’Becoming‘ کی صرف 15 دن میں 20 لاکھ سے زائد کتابیں فروخت ہوچکی ہیں، یہ امریکا میں رواں برس شائع ہونے والی کتابوں میں ریکارڈ فروخت ہے۔

مشال اوباما کی کتاب کو شہرت اسی وقت حاصل ہوگئی تھی جب کتاب کے ایک اقتباس نے مداحوں کو حیران کردیا تھا، مشال اوباما نے پہلی بار انکشاف کیا کہ اُن کے بچے فطری پیدائش کے بجائے IVF کے ذریعے دنیا میں آئے۔ بار بار حمل ضائع ہو جانے کے باعث جوڑے نے آئی وی ایف کا طریقہ استعمال کرنے کا فیصلہ کیا تھا۔
کتاب کو شہرت حاصل ہونے کی دوسری وجہ امریکی صدر ڈونلڈ ٹرمپ کا بے جا نکتہ چینی کرنا ہے، امریکی صدر نے کتاب کو غیر اہم قرار دیتے ہوئے کتاب کو بیزار عورت کی کہانی کہا تھا جس پر امریکی صدر کو شدید تنقید کا سامنا رہا تھا۔

کتب کی خرید و فروخت کا ڈیٹا جمع کرنے والے ادارے کے مطابق رواں برس شائع ہونے والی کتابوں میں کوئی بھی ایک کتاب 20 لاکھ تک فروخت نہیں ہوسکی ہے جب کہ یہ ہدف مشال اوباما کی کتاب نے محض 15 دن میں حاصل کرلیا۔

کتاب کے پبلشر کا دعویٰ ہے کہ کتاب امریکا کے ساتھ ساتھ آسٹریلیا، برطانیہ، فرانس، جرمنی، کوریا اور جنوبی افریقا میں بھی ’بیسٹ سیلر‘ رہی ہے۔ مشال اوباما کی سوانح حیات Becoming کا 31 زبانوں میں ترجمہ کیا گیا ہے۔

کتاب میں مشال اوباما نے اپنے رفیق حیات کے ساتھ گزرے دنوں کو کہانی کی صورت بیان کیا ہے اور کتاب کا سب سے اہم حصہ باراک اوباما کے دور صدارت کے دنوں کا احوال ہے جو تاریخی دستاویز کی اہمیت رکھتا ہے اور قارئین کی دلچسپی کا مرکز ہے۔

x

Check Also

لاء گریجویٹ افراد کے لیے اقلیتی محکمہ کی جانب دی جارہی ہے مفت تربیت

بھٹکل؛ 3 دسمبر،2018 (بھٹکلیس نیوز بیورو) اقلیتی محکمہ کی جانب سے اقلیتی ...