ریاست میں کل سکینڈ پی یو سی کے نتائج کا ہوگا اعلان

بنگلورو: 14 اپریل، 19 (بھٹکلیس نیوز بیورو) پری یونیورسٹی بورڈ کی جانب سے ملی اطلاع کے مطابق کل 15/اپریل کو سکینڈ پی یو سی کے نتائج کا اعلان کیا جائے گا۔

پی یو بورڈ کے انچارج ڈائریکٹر سی شیکا نے اس کی جانکاری دیتے ہوئے کہا ہے کہ بورڈ کی جانب سے 15/اپریل کو نتائج کا اعلان کے ساتھ ہی اسی دن نتیجہ کو آن لائن بھی شائع کیا جائے گا۔

خیال رہے کہ سابقہ سالوں میں پی یو کے نتائج کا اعلان سی ای ٹی کے امتحانات کے بعد کیا جاتا تھا لیکن اس بار اس سے قبل ہی کیا گیا ہے۔ تاہم بورڈ نے طلبہ سے درخواست کی ہے کہ اگر وہ پی یو سی میں ناکام بھی ہوتے ہیں تو بھی سی ای ٹی کے لیے محنت جاری رکھیں۔