بنیادی صفحہ / بھٹکل و اطراف / کانگریس صدر سونیا گاندھی پہلی بار ’بھارت جوڑو یاترا‘ میں شامل، کرناٹک کے منڈیا ضلع میں کی شرکت

کانگریس صدر سونیا گاندھی پہلی بار ’بھارت جوڑو یاترا‘ میں شامل، کرناٹک کے منڈیا ضلع میں کی شرکت

Print Friendly, PDF & Email

بنگلورو: کانگریس صدر سونیا گاندھی آج پہلی مرتبہ ’بھار جوڑو یاترا‘ میں شرکت کر رہی ہیں۔ وہ کرناٹک کے منڈیا ضلع کے گاؤں جکن ہلی میں راہل گاندھی اور دیگر پدیاتریوں کے ساتھ یاترا میں شامل ہوئیں اور 3 کلومیٹر تک پیدل چلیں گی۔ کانگریس کے صدارتی امیدوار ملکارجن کھڑگے بھی سونیا گاندھی کے ہمراہ موجود رہے۔ بھارت جوڑو یاترا آج پانڈوپورہ سے برہمادیوراہلی تک جائے گی۔ قبل ازیں سونیا گاندھی نے گزشتہ روز (5 اکتوبر) کو میسور کے بھیمناکولی مندر کے درشن کئے تھے۔

خیال رہے کہ بھارت جوڑو یاترا کو دسہرہ کے پیش نظر دو دن کے لئے آرام دیا گیا تھا۔ دسہرہ تقریبات میں شرکت کے بعد آج تمام پدیاتروں نے دوبارہ اپنی یاترا شروع کی۔ حسب معمول یاترا میں زبردست جوش و خروش نظر آیا اور مقامی لوگوں نے اس میں بڑھ چڑھ کر حصہ لیا۔ اس دوران عام لوگ اپنے محبوب لیڈران کی ایک جھلک پانے کے لئے بےقرار نظر آئے اور موقع ملتے ہی ان سے ملاقات کی اور ان کے ساتھ سیلفیاں بھی لیں۔

بھارت جوڑو یاترا کا 6 اکتوبر کا پروگرام

پدیاترا صبح 6.30 بجے پانڈو پورہ تعلقہ کے بیلالے گاؤں سے شروع ہوئی۔ جوکہ صبح 11 بجے تک ناگامنگلا تعلقہ میں چوڈیناہلی گاؤں کے کراڈیا جھیل کے سامنے واقعہ میدان میں جا کر ٹھہر جائے گی۔ اس کے بعد پدیاترا شام 4 بجے دوبارہ شروع ہوگی اور شام 7 بجے ناگامنگلا تعلقہ کے برہمادیوراہلی گاؤں میں کارنر میٹنگ کے بعد ٹھہر جائے گی۔ تمام پدیاتری یہاں گورنمنٹ میڈیکل کالج کے سامنے مڈاکے ہوسورو گیٹ پر رات گزاریں گے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*